mat Kuelestëfter molen
Mir stellen Kuelestëfter hir a molen domat...
e Grillspieß schnëtzen
Mir sichen ee geegenten Aascht an da schnëtzt all Kand säin eegen Grillspiiss.
Duerno grille mir um Feier Marshmallows mat eisem Spiiss.
d'Wiss
Ab Mäerz fänken d’Wisen sou lues un erëm ze erwächen. Et kann een déi éischt Frühblüher beobachten an eventuell och schonn Insekten a Vullen entdecken, déi hei hiert Onwiesen dreiwen. Dat ass ewéi eng Sinfonie vun Téin, kombinéiert mat verschiddene Gerécher a ville flotte Faarwen fir eis Sënner. Mir kucken, lauschteren, richen a - wien weess - villäicht sammele mir och Saachen, déi mer duerno schmaache kënnen.
Mam Mikroskop ennerwee
Nodeems mir de Mikroskopen-Führerschäin am Fuerscherhaus gemaach hunn, maache mir eis op de Wee an de Bësch fir d'Natur vu ganz no ze gesinn. Eis Entdeckungen hale mir an engem klenge Fuerscherheft fest.
1 Moien am Bësch (all d’Gebaier) /1 Mëtteg am Park (Albert Elsen a Nik Welter) wegl. an der Demande präziséieren
En Trëppeltuer duerch d'Mamerlayen
Mir ginn ze Fouss an d’Mamerlayen an entdecken zesummen dës flott Géigend an e puer Hielen. Op eisem Trëppeltuer siche mer och no Spuren vun Déieren an/oder Mënschen, déi sech hei ophalen oder opgehal hunn.
Vum 16.09 bis den 15.11 a vum 15.04 bis den 15.07. D’Schüler brauchen onbedéngt al a robust Kleeder déi kënne knaschteg ginn, fest Schong, een Helm (z.B. Veloshelm) an eng Täscheluucht.
Mir ginn op Spueresich
Wat ass eng Déierespuer? Wéi eng Deieren liewe bei eis am Bësch? Moies si mer dobaussen am Bësch a Mëttes ënnersichen mir d'Eilekatz.
mir bauen en Ennerdaach
D’Kanner léieren verschidden Hütten ze bauen...
Mëttes gët gegrillt,puer Spiller gemaach
Mir schnëtzen eng Holzforschette oder en Holzläffel
D’Kanner gesinn déi wichteg Schnëtzreegelen an Handgrëffer a léieren déi unzewenden.
All Kand schnëtzt seng eege Forschette/Läffel, duerno versiche mir domat ze iessen, wat mir gekacht oder gegrillt hun.
Liewensraum Buedem
Wat liewt a krabbelt alles am Buedem, ënnert Blieder, ënnert Steng oder engem Bamstamm? Mat Becher, Lupen a Mikroskoper maache mir eis op d’Sich no klenge Buedemdéieren a versichen se ze bestëmmen. (Mäerz bis Oktober)
Liewensraum Baach/Weier
Mat Kescher, Lupen a Mikroskoper erfuersche mir Moies de Liewensraum Baach a Mëttes de Liewensraum Weier. Wéi propper sinn eis Baachen? Wat schwëmmt a krabbelt am Waasser? Mir fësche kleng Déiercher aus de Baachen an aus dem Weier ... awer nëmme fir se ze bestëmmen. Duerno loosse mir se nees fräi.
Visite um Beiestand
Mir kréien en Abléck an e Beiestack a léieren eppes iwwert d’Beien.
Hei gëtt versicht op all de Kanner hir Froen ze äntwerten.
- Mee/Juni Fréijoershunneg schleideren.
- Ufank Juli Summerhunneg schleideren.
Déi ugemellte Schoulklasse kréie kuerzfristeg Bescheed gesot wann et esou wäit ass.
Beweis däi Courage!
Klamm- a Schaukelspillgeräter mat Seeler a Slackline probéieren
Fir d’Schüler aus dem Cycle 1-3.1. baue mir verschidde Bëschschaukelen a Brécken op, déi si dann testen.
D’Schüler aus dem Cycle 3.2 a 4 hëllefen a léieren verschidde Kniet fir Brécken ze bauen.
mat Kannerféiss am Bësch
De Bësch an d’Natur mat alle Sënner iwwert d’ganzt Joer erliewen. duerch Bëscherliewnisspiller, Aktivitéiten an Experimenter fir dobaussen. Mir si bei quasi all Wieder ënnerwee (Dës Aktivitéit fält bei Stuerm a Blëtzer aus a gëtt nogeholl).
Mathematik am Bësch
Einfach Rechnen mat Naturmaterialien fir de Cycle 3
Am Cycle 4 léieren d’Schüler rechnen wéi de Fierschter. Wéi berechent een d’Héicht, den Ëmfang, den Holzvolume, den Alter, de Präis vun engem Bam/Bamstamm? Duerno maache mir nach e puer Bëschspiller.
Nature Art
Passend zur Joreszäit a je no Wieder gi mer kënschtleresch an der Natur aktiv.
mat der Spektiv an d'Natur
Mir gi mat der Spektiv an d’Natur a léieren do Déieren (Villecher,...) ze beobachten.
Entdeckungssafari duerch Miersch
Albert Elsen? Nic. Welter ? Cecile Ries? Wien sinn dës Persounen? Wat heeschen déi kleng Fändelen um Draach op der Meschelsplaz? Eng réimesch Villa zu Miersch? Froen iwwer Froen. Duerch eng kleng Wanderung duerch Miersch sollen d'Schüler léieren, mat oppenen Aen duerch Miersch/d'Welt ze goen a sech froen zu hirer Ëmwelt ze stellen.
Feier 2: Feier maachen ouni Briquet a Fixfeier
D’Kanner léieren wéi een op verschidde Manéier kann Feier ouni Fixspéin maachen, wat een alles dozou brauch a wéi eng Sécherheetsmoossnamen een do muss beuechten.
Duerno kache mir Téi an eng Zopp um Feier.
Feier maachen a Brout baken
Mir stellen aus Weesskäeren Miel hir. Dann maache mir Feier a bake Brout oder Fladenbrout um Feier. Oder mir maachen Pangécher mat Nutella.
e Bou schnëtzen
D'Kanner schnëtzen hiren eegene Bou.
Mir schnëtzen en Holzmesser
D’Kanner gesinn déi wichteg Schnëtzreegelen an Handgrëffer a léieren déi unzewenden.
Mir siche passend Benglen an da schnëtzt all Kand säin eegent Messer.
Mir maachen e Feier a baken Fladenbrout dat mir mat eisem Messer ze straichen.
Eventuell gëtt och nach gegrillt.
Pfeil an Zilrang hirstellen
Virkenntnisser: Schnëtzführerschäin an de Bou geschnëtzt hun. D’Kanner beherrschen déi wichtig Schnëtzreegelen an Handgrëffer. Si hu schon hire Bou geschnëtzt a stellen elo hir eege Pfeiler hir an duerno versiche mir duerch en Ziilrang oder op eng Ziilscheif ze schéissen.
mir bauen eng Steeschleider
Mir sichen eng geegent Aaschtgafel an da schnëtzt all Kand seng eegen Steeschleider.
Duerno versiche mir op Bécksen ze zilen.
den Holzgasuewen
Mir bauen en Holzgasuewen a kachen dorop...
D’Schüler mussen jeweils 2 Béchse matbréngen...
Orientéirungslaf
Mat Hëllef vu Kompass a Kaart maacht dir an Ekippen zu je 4 Schüler en Orientéierungslaf duerch de Bësch.
De Bam
Je no Joereszäit gesäit de Bam anëscht aus. Wéi eng Sorte Beem hu mir am Bësch ? Wat ass d’Fotosynthese ? De Bam als Liewensraum. Aus wéi engen Holzschichte besteet de Bam a wat ass hir Funktioun ? Wat ass Harz a wat ass seng Funktioun a wéi schmaacht den Harz ? De Liewensraum Bësch.
Vullefudder
Du wëlls d’Villercher am Wanter fidderen ? Wat dierfen si friessen ? Hei stells du verschiddent Vullefudder hir.